SEPLN 2022

Descrición do congreso

A Sociedade Española de Procesamento da Linguaxe Natural ten o pracer de convidarvos a participar na XXXVIII edición do congreso, que terá lugar no salón de actos da Reitoría da Universidade da Coruña, situado no centro histórico da cidade, a carón do mar.

O principal obxectivo do congreso é ofrecer tanto á comunidade científica como ás empresas do sector un foro para presentar e compartir as últimas investigacións e desenvolvementos no ámbito do Procesamento da Linguaxe Natural (PNL).

Este congreso tamén dá a oportunidade de dar a coñecer aplicacións reais neste ámbito, así como diversos proxectos de I+D. Como en edicións anteriores, a edición deste ano do congreso SEPLN dá a posibilidade de coñecer o estado da materia e as futuras directrices das diferentes tarefas relacionadas co PLN, co fin de compartir e contrastar estes coñecementos coas necesidades actuais que existen no mercado.

Por último, preténdese atraer persoas interesadas nesta área de coñecemento co obxectivo de ampliar a comunidade científica.